ﺃﻣّﺎ ﺑﻌﺪ
ﺗﺸﺒﻪ ﻭَﻋْﺪ
ﻭ ﻭَﻋْﺪ ﺑﺘﺸﺒﻪ ﻭِﺵْ ﺍﻟﺴّﻌﺪ
ﻭَﻋْﺪ ﺑﺘﺘﻀﺤﻚ ﻣﻦ ﺁﻻﻣﺎ
ﻭﺗِﺤِﺖ ﺃﻗﺪﺍﻣﺎ بيصحى ﺍﻟﻮﺭﺩ
ﻭ ﻭَﻋْﺪ ﺑﺘﺘﺪﺧﻞ ﺯﻯْ ﺍﻟﻀُﻞ
ﻭﻳﻌﻠﻦ ﺧـَﻄـْﻮَﻫﺎ ﺻﻮﺕ ﺍﻟﺮﻋﺪ
ﻭ ﻭَﻋْﺪ ﺍﻷﺭﺽ .. ﺍﻟﺒﺤﺮ .. ﺍﻟﺠﺬﺭ .. ﺍﻟﻤﺪ
ﻫﻰ ﺍﻟﻤﺨﻠﻮﻗﺔ ﻣﻦ ﺍﻟﺼﻠﺼﺎﻝ
ﻭ ﻣﺎﺧِﺪ ﺭﻳﻘﺎ ﻣﺬﺍﻕ ﺍﻟﺸﻬﺪ
ﻭ ﺃﻣﺎ ﺑﻌﺪ
ﻭَﻋْﺪ ﺭزﺍز ﺍﻟﻤﻄﺮ ﺍﻟﺮﺷﺎ
ﻣﻦ ﺍﺣﻼﻡ ﺍﻟﻐﻴﻢ ﺍﻟﺸﺎﻳﻞ
ﻭﻭَﻋْﺪ ﻟَﺘﻴﺒﺔ ﺍﻟﻮﺍﺩﻯ ﺍﻟﻬـَـﺸِّـﺔ
ﺣﺘِّﺖْ ﻣﻦ ﺿﺤﻜﺎﺗﺎ ﺳﻨﺎﺑﻞ
ﻭﻧﺰﻋﺖ ﻣﻦ ﺇﺣﺴﺎﺳﻨﺎ ﺍﻟﻮﺣﺸﺔ
ﻭﻣﻦ ﺳﺎﺣﺎﺕ ﺍﻟﺤﺮﺏ ﻗﻨﺎﺑﻞ
ﻭﻫﻰ ﺑﺘﺪﻫﺸﻨﺎ ﺃقاصي ﺍﻟﺪﻫﺸﺔ
ﻏﻴﺮ ﻣﺎﺗﻄﻠﺐ ﺃﻱ ﻣُﻘﺎﺑﻞ
ﻭ ﺃﻣﺎ ﺑﻌﺪ
ﻛﺘَﺒَﺖ ﻓﻰ ﺻﻔﺤﺎﺕ ﺍﻟﺮﻳﺢ
ﺧِﻔﺔ ﺭﻭﺣﺎ ﻭﺇﻳﺪﺍ ﺍﻟﺒﻀّﺔ
ﻭﺳﻜَﺒـَﺖ ﺣِﺴَّﻬﺎ ﻓﻰ ﺍﻟﺘﺎﺭﻳﺦ
ﻛﻞ ﺍﻟﺪﻧﻴﺎ ﺇﺗﻔﺘﺤﺖ ﺭﻭﺿﺔ
ﻭﻛﺸﻔﺖ ﻭَﻋْﺪ ﺣﺠﺎﺏ ﺍﻟﻠﻴﻞ
ﻓﺞّ ﺍﻟﻀﻮ ﻣﻦ ﺃﻭﻝ ﻭﻣﻀﺔ
ﺍﻷﻃﻔﺎﻝ ﺍﺣﺘﻠﻮﺍ ﺍﻟﻌﺎﻟﻢ
ﻭﺭﺗﺒﻮﺍ ﻛُﻞْ ﺣﺎﻻﺕ ﺍﻟﻔﻮﺿﻰ
ﻭ ﺃﻣﺎ ﺑﻌﺪ
🌼أزهري محمد علي🌼
منقول
