الخرطوم _ ترياق نيوز
اكد نائب رئيس مجلس السيادة الفريق اول محمد حمدان دقلو السودان يمر بمرحلة تشظي وكراهية وعنصرية، مرحلة لم تكن موجودة بالسابق.
وقال حميدتي في افطار الرياضيين بصالة دينار بالخرطوم اليوم الاربعاء ان هناك سياسيين محددين لديهم مصالح يريدون ان يفرضوها على الشعب، مشيرا الى انهم ينسون من ساندوهم وناضلوا معهم حتى جلسوا على الكراسي.
واضاف يقولون لمن قدموهم ان الامور ماشة كويس وهي واقفة، واضاف طريقة الغش التي يمارسها الساسة غير حميدة وغير اخلاقية وقال نحن ما سياسيين لكن اصبحنا جزء منهم فمفروض الساسة يكونوا صادقين.
واوضح حميدتي البلد دي فيها خير كثير حرام نمشي نلعب برا بسبب عدم جاهزية الاستادات. واضاف (دا عيب والله)، خلونا نعمل شير نكمل المدينة الرياضية. ووعد حميدتي بتكملة المدنية الرياضية.
وقال نحن شغالين في نادي المريخ وقال انا ما مريخابي ولا هلالابي لكن بميل للهلال (شوية كدا) لان الهلال حبيب الشعب كله .
