الخرطوم : ترياق نيوز
أكد رئيس مجلس السيادة الفريق محمد حمدان دقلو خلال مخاطبته حشد بشمال بحري تمسكه بالاتفاق الاطاري وقال : أنه لم يقم بصياغة الاتفاق الإطاري وقال : هنالك من يقول ان الموضوع الماشي ده انا راعيهو واضاف : اولا أنا وقعت علي الوثيقة فقط ووجدت أطراف التوقيع جاهزين ومحددين وحينها انا كنت في مدينة الجنينة وبعد العودة وقعت فقط علي الوثيقة .
وقال دقلو هنالك وثيقة موجودة وجاهزة في الادراج ، موكدا التزامهم التام بالوثيقة الاطارية واضاف: هذا عهد وقعنا عليه وسنوفي به ان العهد كان مسؤولا .
ونصح دقلو بالتمسك بالاتفاق وقال : اذا ما عاوزين البلد تتفرتق وتجوط المخرج من الازمة في الاتفاق الاطاري واضاف :الاطاري فقط ماف غيرو وتابع: الناس البتقول الوضع يستمر نقول لهم نحن خلال 13 شهر و15 يوم ما شكلنا حكومة والآن مرتبات ماف
وزاد : أي زول عاوز “يكنكش” في الوضع الحالي نقول ليهو الموضوع ده مابمشي لي قدام ماف مرتبات والدولة لاتستطيع دعم الانتاج
وتابع : الناس البقولوا الاتفاق الاطاري الموقعين عليهو ناس بسيطين نقول ليهم انتم من حددتم الموقعين وسألناكم حينها هل يستقيم هذا الامر اجبتم بنعم وسألناكم مابتنطوا قلتوا مابننط ولذلك نحن نقول والله مابنرجع وراء . وطالب الادارات الاهلية والطرق الصوفية بدعم الاتفاق الاطاري ..
وتابع : نحن مادام قبلنا بالاتفاق نمشي فيهو لي قدام لجهة انه اتفاق مدعوم من الخليج والغرب والدول الافريقية لذلك يجب ان ننفذ نتائجه حتي نصل مربط الفرس في الانتخابات .
شاهد الفيديو :
https://fb.watch/ixZPDoRtuG/?mibextid=uc01c0
