الخرطوم : ترياق نيوز
لم يكن مفاجاءا تعيين إمرأة واليا في ثورة الوعي والمفاهيم ثورة ١٩ ديسمبر التي اغلب جماهيرها كانت من النساء وقدمن نموذجا فريدا في التضحية والكفاح من اجل الحرية والسلام والعدالة وكانت المرأة السودانية على لسان كل اجهزة الإعلام المحلية والعالمية وبرزت خلال المواكب اكثر من أيقونة بجانب امهات واخوات وزوجات وزميلات شهداء الثورة المجيدة بالامس تم الولاة وظهر من خلال القائمة أسماء إمرأتين هما ولاة ولايتي نهر النيل والشمالية وأتت المفاجأة بان طبيعة وعادات المجتمع السوداني في تلك الولايتين أكثر تحفظا على خروج المرأة لمجال العمل او الاسواق رغم تلاشي هذا التقليد تدريجيا في السنوات الاخيرة لكن للحقيقة والتاريخ بان النساء المبرزين في المجالات العلمية والادبية وغير ذلك من المجالات المختلفة لكن اعتبر الكثيرون تعيين نساء في تلك الولايات لم يأت صدفة بل له مرامي اخرى اهمها إذا نجحت التجربة في هاتين الولايتين حتما ستنجح في باقي ولايات السودان المختلفة ما يهمنا في المساحة وردود الفعل المتباينة وعبر عنها اصحابها شعراء ونثرا بطريقة ادبية نادرة في المجال السياسي وكانت ابرز ما جاء في هذا الجانب خاطرة البروفسور سيف الدين النقرابي الذي جاء تمجيدا لدور المراة في الثورة في شخص والي ولاية نهر النيل الجديدة دكتور آمنة كما جاء في المساحة التالية :
خاطرة بمناسبة تعيين دكتورة آمنة أحمد المكى والياً لولاية نهر النيل
بهز بي سيفى فوق ست الحضارة و نوبة
هرم العزة و العفة المقنعة توبا
يوم العركة و الفرسة الكتر حى وبا
راسيات الجبال تكلن حجارن فوقا
فوق بت النخيل و النيل بجر النم
بت عز الرجال جرعة عقود السم
الجود و الكرم مقرونة بيك حرم
جربوا لو رجال عشان تشوفوا الدم
الزى امنة من فوق الرجال محسوبة
و بتفوق الرمم الزمتن مخروبة
ما شفناها فى خملة و مشرط توبا
ركازة الأرض فى دامرا و مجذوبا
نحن بناتنا اشباه الرجال ما قياسن
و كضاب البفكر فى خيالو و داسن
كملن الفراسة مكتوبة فى ميراثن
مهيرات الأصل الما وسخنو مداسن
قنعنا من خيرا فى الرجال يا امنة
كرهنا الخيبة و العترة المشت قدامنا
بركة الجيتى قبال نهاية ايامنا
يا ام الرسول خير الخلق ود امنة
على الحلف يا امنة ساعة شفتك
طريت الثورة يوم كان تنطلق زغرودتك
كنداكة و بت رجال سيف الصرامة قدرتك
شقى النيل و ارويهن سواقى خدرتك
شايف ناس كتار فى دار جعل شمتانة
و فى بت المكوك الصانت عرض اخوانا
المرا ام رجال و بين البشر انسانا
ما شكرنا فى يوم الرجل لو هانا
عليك يا امنة كل الحمل متكول
اسندى فقيرنا و ما تنسيهو عم جقدول
ادفقى الموية و امليها السرابات فول
و راعى اطفالنا و اسقيهن لبن من شول
ما اظن الرجالة عمة و كبر شنبات
شفناهم رجال لابسين طرح لبنات
يوم فض الاعتصام ما قبلن صادرات
خاضن فى الدمى و دنقروا لواءات
بروفيسور سيف الدين النقرابي
٢٣ يوليو ٢٠٢٠م
تعظيم سلام لكل كنداكات بلادى